مقومات السعادة ..

بالنسبي الي خلي الادمن

بس تكون سيارتي متل الوردي وما فيها ولا عطل شو ما كان

واهم شيء انو عندي نت 24 ساعة ببلاش

لهيك والحمد لله بضل مبسوط وسعيد ازا بتخرب الدنيا برا مو فرقاني معي بعدين

هدا رأي انا بالنسبة الي

وكمان هلق الله يبسطكن كمان ان شاء الله انا سعيد بزيادة

اجتني سيارة جيب مارسيدس هدية 320

لهيك انا جدا سعيد ههههههههههه

أنا بحس حالي سعيدة لما الأمور الي بدي ياها بتظبط
ولما بشوف الي بحبهن مبسوطين وسعداء
ويمكن عشت لحظات سعادة حقيقية بس الواحد بينسى انو عاشها لما بتمر عليه لحظة حزن
الله يبعد الحزن ويبعت السعادة للكل........امين

هون بالكويت مقسمهن وحتي بستخدمها بالشغل الصباحي

ووحدي بستخدمها بالشغل المسائي وهيك انا بعدل بيناتهن متل النسوان ههههههههههههههه

ما بكسر بخاطر وحدي منهن

بالنسبة الي كلمة سعادة كلمة كبيرة خصوصا بالنسبة النا كدول عالم ثالث.
بس مشان جاوب عسؤالك بدون تعميم متل ما طلبت, رح قول اني بحس ب(السعادة)
لما بكون مع اللي بحبهن, ولما بكون رضيانة عن حالي, ولما بيكون الحظ حليفي.
شايف شو صعب اني كون سعيدة؟
كمان بتمرق فيي لحظات (سعادة) لما بسمع الموسيقى الكلاسيكية متل بيتهوفن وموتسارت وتشايكوفسكي,
خصوصا بحيرة البجع ما بعرف شو بتعمل فيي, ولما بشوف منظر الورد, ولما بتفرج ع مقاطع من برامج الأطفال
القديمة متل ريمي وساسوكي وليدي أوسكار و صاحب الظل الطويل.
وعدا ذلك بسميها لحظات فرح.
أما السعادة الحقيقية فما بتذكر اني شعرت فيها غير بأيام الطفولة.
وبمناسبة الحديث عن السعادة في فيلم كتير حلو لويل سميث اسمو "البحث عن السعادة" بنصحكن تحضروه.

أنا لما قلت اني بشوف هالكلمة كبيرة كنت بقصد انو برأيي قلائل الناس اللي بيحسوا بالسعادة بشكل
عام, وبالنسبة للعالم الثالث برأيي اللي بيحسوا فيها لسا أقل بسبب الظروف اللي منعرفها كنا,
لأنو صدقني في كتير ناس ما بتكمل سعادتهن لما بيشوفوا حولهن المعاناة حتى لو تهيأتلهن الأسباب الخاصة.
طبعا هادا رأي بيحتمل الصواب وبيحتمل الخطأ.

كلامك صح ليلي بشكل عام اما بشكل خاص فكل واح عندو اسباب للسعادة

وشكرا للمشاركات الحلوة