اعتقادات خاطئة (بو هارون)

بسم الله الرحمن الرحيم

اما بعد ----------------

يا شباب ويا صبايا لما الواح او بشكل عام الناس كلهان بيسمعوا انك مثلا بالامارات او بالكويت او برة القطر السوري بصير تفكيرهن طمعانيا يعني (بيطمعوا فيك)

احكيلكن قصة عندي عما عم يشتغلوا بالبيت وكل ما ضربوا حجرا ايوالله انت بالكويت اي شو مفكرين بالكويت في شجر مصاري منحوش ايمت ما اجا على بالنا مصاري او عم نلاقي مصاري بالارض او عل الطريق
شو هل التفكير اللي عند هل البشر ما بعرف
مع انو ما بدي احكيلكن شو بصير هون
بدك اجار بيت اقل شيء غرفة وصاله صغيرة 180 دينار يعني31 الف ليرة سوري
بدك بانزين سيارة اقل شيء 30 دينار بالشهر يعني5 الاف ليرة سوري هون رخيص البانزين ارخص من المي لتر البنزين ب 70 فلس لتر المي 100 فلس شايفين شلون
بدك كروت تلفون اقل شيء 35 دينار يعني 6 الاف ليرة سورية
بدك مصروف بين اكل وشرب شيء 100 دينار اقل شيء يعني 17 الف ليرة سورية هي ازا ما خرب عندك شيء بدك تصلحوا او ما عليك شيء قسط تدفعوا يعني هيك شيء
فبرايكن شقد بوفر الواح يعني فحسبوها يا رعاكم الله

وبيجي بقلك بالكويت شيء بفقع يا عرب والله
يعني اقل شيء بالشهر بدك مصروف 55 الى 60 الف هدول بدك تدفعهن وانت عم تضحك وتلعب وتبكي وتعوي وتندب حظك الى اخره
هههههههههههههههه

فشو رايكن بتفكير الناس
(قال بالكويت قال)
بو هـــــــــــــــــــــــــــ رون ــــــــــــــــــــــا

ليش ما حلهن يعرفوا وعلى فكرة نص شباب مصياف ما بطولوا برا بتلاقي متصل باهلو بعتولي حق التذكرة لارجع الله وكيلكن بعرف كم واحد رجعوا هيك ما بحسوا لحتى يجربوا بس بعين الله كماقلت ادمن thinx

بو هارون

لهيك الواحد لازم يضل عم يندب حظو قدامن و يضل عم يشكي و يبكي متل النواحات لحتى يكفو بلاهن شوي لانو ما رح يقدرو ظروفك شو ما عملت لا و الشب بيطلع عندو بدل جيش و .......... ومية شغلة بس يعني اكيد رغم كل شي و الغلا الواحد عالاقل بيعيش مو متل هونيك بيعيش من قلة الموت يعني الكحل اهون من العمى واللي بيوفرو هون بشهر بيجوز بدو من سنة لعشر سنين هونيك الواحد ليوفرو و خصوصي الغلا عنا بمصياف و بسوريا بشكل عام

معك حق يا سارة وحق الحق

مظبوط عم نوفر نص مليون بالشهر او اقل شوي يعني

بتديني لكن شي مية دينار لاول الشهر؟

اي مو تكرمي حاضر انتي طلبي وتمني سارا

بو هارون

مشكور وللة بطلت روح برا سورية

لا خي خليك احسنلك

والله العيشة بسورية ب 10 الاف ولا تتغرب يا عمي قرد

بو هارون

اي والله صدقت يا بو هارون ..

فعلا الواحد مضروب بحجر كبير بحجة مغترب وعم تقبض هديك الحسبه ومدري شو ..

وفعلا لو بتقول للناس انك عم تدفع مثلا آجار بس شي 30 40 ألف ليرة بالشهر ما حدا بيصدق وبيفكروك عم تكزب..

انا بس بدي قول ..

انو يا جماعة هون بالغربة .. المي عم ندفع حقها .. ولا تنسوا الضرائب حبايب قلبي ..

والله فعلا 10 آلاف بسورية وبلا كل هالغربة ..

الله يعين كل المغتربين ـ واولهم انا ـ

معناتا اذا كل هالشي مو مرتاحين ليش ما بترجعوا عسوريا و تبطلوا نق
لك حمدوا ربكم وطنشوا و الله في عالم يدوب عم تامن اكل ولادها يعني معهن حق يفكروا هيك هنن شو بيعرفن بالغربة بدن يامنو ولادن و حالهن باي طريقة وخصوصا اللي مانو موظف عند الدولة و عم يشتغل اجير عند حدا الله يعين العالم

اي شوهالصورة الكيسي يا بو هارون احلى من القديمة انو هالكلب اللي بالصورة معك بالكويت و اللا بمصياف

حشاكم من الطاري

هدا كلبي بالكويت واسموا ماونتي

ههههههههههههههه

صحي متل ما قلتو انوا شو اللي جابرك ع المر قالوا الأمر بس اذا متل ما عم تقولوا انوا بتحطوا اللي فوقكن واللي تحتكن. الأ لكن ارجعو لعنا منو معد منشتقلكن ومنو بتوفروا ع حالكن مصاريف ما لها طعمة مو صح حكي ؟؟؟؟؟

يعطيك العافية الموضوع حلو (ومأساوي بنفس الوقت ها اطلع رح ابكي شوي ثانية )خخخخخخخ.

* باي *

اي لوليا يعني مو هل قد بس عم نحكي يعني بشكل عام ههههههههههههههههههههه

مسى الخير
أحكيلكن شوي عن الغربة بالسعودية
أولا الكفيل وما أدراك ما الكفيل لاتستطيع أن تتحرك حركة واحدة دون موافقته اذابدك تسافر بدك تأشيرة خروج وعودة منه بتكلفك250ريال تكاليف تجديد الاقامة كل سنة900ريال+تأمين صحي الزامي950ريال
اذابدك تجدد رخصة السواقة والسيارة لازم خطاب كفيل
اذا بدك تحول لأهلك مبلغ فوق 100000ليرة لازم خطاب كفيل
مافيك تبدل كفيلك والسمازرقا اذا هو مابدو
اذا انتهى عقدك ومابدك تجدد بدك تنتظر ليأتي البديل الله أعلم ايمتى
بيجي أما اذا هو مابدو ياك بيعملك الخروج النهائي وأنت نايم ببيتك ولسه ولسه

الحمد الله يا عمي بالنسبي الي ولخي انا كامش شغل الشركة وانا بعمل اقامات العالم وبحولهن وبكنسلهن وبدقهن تغيب مباحث كلشي بايدي يعني بس الحمدالله ما بظلم حدا

واللي بدو مساعدي منساعدو هههههههههههههههههه الف حمد وشكر يا رب

معك كل الحق لو الواح برا ما لقا عملي كان رجع لبلدوا

بس في عملي الحمد لله على كل شيء

هيك قولتك يالله جايين

الفقر بالوطن غربة .. مدري وين سمعت هالمتل بس عنجد طلع مظبوط... انا الحمدلله لما كنت بسوريا كانت حالتي متوسطة .. بس بصراحة كنت اتمنى كتير شغلات ما فيني اوصلها بسبب دخلي ..
ولما طلعت وسافرت .. عايش مبسوط انا وعيالي وأنا برأيي هدا المهم .. عيش كل عمرك بالغربة بس مبسوط .. والواحد يوفر قرشين على مهلو منشان كبرتو .. وبعدين يرجع على سوريا يشرب متي ويطقطق براغي بس عالقليل بكون عاش مبسوط ومرفه .. واهم من هادا كلو
يطنش على حكي الناس .. لانو المصايتي مستحيل يبطلو حكي .. وصيت غنى ولا صيت فقر