مرحبا شباب وصبايا المنتدى...في حدا مقتنع؟؟؟
ماحدا مقتنع..!!
لنشوف الحياه واذا الواحد بيقتنع بحياتو ولا لأ..
ولنشوف مين فيكون مر بهالمراحل بالحياه ولا لأ..
شو بقول الشخص بمراحل حياتو؟؟؟
ابن الاربع سنين اللي مافات المدرسة:
يا الله ما احلاهن طلاب المدارس.. ياريت بكرا البابا ياخدني يسجلني بالمدرسة
وصير روح واجي معهون..
صار بالمدرسة الصبي وشاف طلاب الاعدادية:
اييييييه بكرا برتاح من هالمدرسة المعتة والانسات وبصير بروح وبجي وبداوم مع الكبار
وبصير متلهون وبرتاح...
وصار بالاعدادية..
ايمتا بدي البس البدلة الرمادية ... يالله الله كريم..
سنتين وبلبسها وبرتاح...
صار الشب بالثانوية وبللشت الدني وهموم الدني تركب براسو
يالله...بكرا باخدها للشهادة وبرتاح..
الشب صار بالجامعة وبللش الضغط يصير حقيقي.. وبقول
يا الله ايمتا بدي اتخرج وصير اشتغل؟؟؟
يالله ... الله كريم بكرا بتخرج وبرتاح
بيتخرج الشب وبروح عالجيش...
وكالعادة بصير يتذمر..
ايمتا بدي اخلص من العسكرية... والله بتقولو الايام ما عم تمشي ؟؟
يالله كلها سنة ونص وبتسرح وببلش حياتي وبرتاح...
تصرح الزلمي وبللش يدور عشغل..
وعم يقول...
لعما... معقول ما ضل شغلة بالبلد كلها..؟؟
طيب كيف بدي عيش...
يالله الله كريم بكرا بلاقي شغل وبرتاح...
بيجي يوم البلاقي شغل وبيتعرف عأمورة وبحبا وبصير يحرم حالو من كلشي
منشان يوفر الليرة وحق الجازة وحق الي مابعرف شو..
وبقول... اي حلا يصير معي كم ليرة...
لعما ما ضل غير اشحد من العالم مصاري...
الله كريم... بكرا بضبللي كم ليرة وبتجوز وبرتاح...
مالكون بطول الحديث لأنو طويل كتير والو ويث اللي هو ابنو وابنو الو وريثو
والشغلة صايرة متل الدولاب عم تتكرر
شايفلكون ماحدا بيرتاح غير تنين مافي غيرون...
...............((المقتنع))..........((واللي بموت))..................
ويوم بالطالع ويوم بالنازل 
.. شو نسيتو الحساب بعد الموت 
